20 tahun lur,, tuntutan Jaksa Penuntut Umum (JPU) ke Jessica si kopi sianida tu ternyato. Makmanolah kiro-kiro kalu kito tebuang 20 tahun. Pacak urung galo gawe..hehehe
Ruponyo Shandy Sahilin, sodara kembar Mirna, meraso itu belum adil. Kendak dio Majelis Hakim Pengadilan Negeri Jakarta Pusat jatuh ke hukuman Seumur Hidup. (Alangkeh ngerinyo lur, rengko kalu jadi nian tuntutan itu).
"Kendak ku, hakim tu jatuhke hukuman seumur edop. Aku pecayo nian hakim tu bijak dan adil. Pembunuh berdarah dingin tanpa penyesalan bahayo nian kalu hidup di luar penjaro" Kato Shandy. Jakarta, Sabtu (8/10/2016).
"Kami minta pokoknyo seumur edop, karno katek nian dio tu nyesel, idak galak ngaku pulo, tambah lagi katek dio minta maaf"
Menurut Shandy, bahayo budak ini. Kalo bebas agek pacak ngelakukeh kejahatan yang samo karno terlalu ringan hukamannyo. (Iyolah pulo, ngeri mang cek - bik cek. Kalo takut galo wong se indonesia anget ini samo Jessica. Galak kamu ditraktir dio ngopi?? Kalu aku mahaf bae).
"Pacak membahayoke keluargo aku. Ini pacak di contoh wong, bahayo bagi negara ini. La ado yang terinspirasi meracun pakai kopi bersianida" sambung Shandy.
Nah hati-hati kamu yang bukak warung kopi, jangan pakai sianida, jadilah Jessica bae.
Tidak ada komentar:
Posting Komentar