■ Subhanallah,,, 5 Pantai Tersembunyi Paling Indah di Dunia, bahasa palembang

Ini dio, pantai tersembunyi paling indah di dunia, dikutip dari mister aladin
(Sumber : lifestyle.sindonews.com)

1. Cala Mariolu, Italia


Tersembunyi pulo tempat ini, cuma pacak dikunjungi make kapal. Kalu pacak make rakit bae, kalu la banyak wong yang galak kesano.. Bagus nian, pantainyo dikelilingi tebing karang yang tinggi, tapi idak bepasir ternyato. Di tepi pantainyo banyak batu-batu putih cak batuan marmer yang galak jadi hiasan taman. Alangkeh lemaknyo neletang pinggir pantai sano, samo wong rumah, bawak tiker, samo bekel isi pepes baung..hehehe

2. Pulau Ibo, Mozambique
 

Mulai dari surfing, diving, sampai beguling-guling bae pacak di pantai ini. Memang masih tesembunyi nian yang ini, belum banyak yang tau. Retinyo, untung nian kamu baco info ini, pacak tau jadinyo. Cubo kalu idak baco, makmano kamu nak tau? Lah bener pulo..

3. Anse Source d’Argent, Seychelles

Dak nyalah ke nyo, dari namonyo bae la saro kito nyebut pantai ini. (Maklum, lidah galak ngirup cuko). Dikelilingi batuan granit besak-besak, kato nyo sih sekilas mirip pantai Tanjung Tinggi di Belitung. Cindo nian memang kalu nyingok pemandangannyo. Tapi harus hati-hati kalu nak kesano, karno harus manjat tebing batuan granit, agek laju nyampak pulo, niat nak bejemur disano, kepleset, laju nak nyari tukang urut pulo. Rengkoh..
Tapi kalu la sampe di sano, aku raso tebayar galo raso capek. Ombaknyo tenang, pemandangannyo bagus, jernih, tapi jangan dak makai basahan (bahase sekayunye 'Telesan') mandi di sano, kalu ado penyakit kulit, pacak kejingok'an galo..hahhah

4. Calanque d’E Vau, Perancis

Yang ini mantap jugo, tapi lebih saro lagi nak kesano. Wajarlah dikato ke pantai tersembunyi tu, jingok bae, kiri kanan tebing tinggi galo, batuan kapur pulo.

Tapi kalu dak galak manjat-manjat, pacak makai kapal, lur. Cuma, kapalnyo dak pacak sampai ke tebing sempit itu. Saran aku, bawak ban bae, dayung kesano. Kalu katek ban, batang pisang bae jadi lah, yang peting sampai kesano wak. Dak ke nyesel kamu. Bagus nian barang tu.


5. Navagio, Yunani




Ya saman, alangkeh bagus ciptaan tuhan, sampai disebut sebagai surga tersembunyi ditengah bukit kapur. Air laut berwarno biru, pasir putih nan lembut, ditambah bangkai kapan seolah aksosier pelengkap ciptaan mu.
Cuma tulah, saro jugo nak kesini, cuma pacak makai kapal bae. Kalu kiro-kiro katek kapal, dem..alhamdulillah pacak nyingok dari foto bae.

Tidak ada komentar:

Posting Komentar