Dak nyangko, Samsung Galaxy note 7, yang la udem diganti batre. Meledak Lagi di pesawat...!!!
Sumber : Gadget-baru.com
Gadget-Baru.com - Beberapo waktu yang lalu, dealer resmi diberbagai negara langsung nanggapi batre meledak di perangkat galaxy note 7. Dak galak kecolongan di Amerika, samsung ngelakuke 'recall' (kalu bahase sekayunye 'ditarik ulang'. Hehehe). Duo minggu lur, galaxy note 7 mengganti batrenyo, sebanyak 500 ribu unit tiba di Amerika. Tapi idak jamin jugo kalu versi recall ini aman dari ancaman meledak, cak versi lamonyo.
Dilansir dari The Verge, Kamis (6/10/2016), sebuah perangkat Samsung Galaxy Note 7 versi “recall” yang masih jugo ngalami masalah samo, meledak (kalu jingok dari fotonyo sih, ado nian, perhatike bae fotonyo kalu dak pecayo). Namo pemilik smartphone ini "Brian", ceritonyo, waktu itu dio nak pegi makai maskapai Southwest Airlines. Kato Brian, waktu di pesawat dio disuruh matike galaxy note 7 nyo oleh salah sikok kru pesawat. Udem itu, dio nak masuk ke smartphone nyo kesaku, entah ngapo tiba-tiba berasap, dilemparnyo kekarpet (untung dak ngeno raih wong laen hahaha). Tekenjut galo seisi pesawat samo kru nyo, mau dak mau dievakuasi.
Pas kawan Brian balek ke pesawat karno ado barang tetinggal, jingoknyo ado bekas terbakar di karpet karno keno smartphone Brian itu. Untung katek korban jiwo dalam insiden itu. (Kalu menurut aku, idak pulo meledak nian mungkin. Cuman cissssssttttt bunyinyo, cak mercon buntat yang idak meledak tuh nah mungkin).
Kato Brian, la sudah dio tuker samsung galaxy note 7 yang lamo dengan yang baru tanggal 21 September lalu, melalui AT&T. Kardus yang baru itu bae la ado kotak warno itemnyo, yang artinyo aman untuk dipakai. (Caknyo la naseb kabah nian Brian..hehehe). Semenjak itu, dio dak galak lagi ngecharge (nge-cas kalu bahaso kito) makai kabel, tapi nirkabel.
Bahkan pas di cek melalui halaman resmi Samsung untuk mastike Galaxy Note 7 aman apo idak, katonyo perangkat milik Brian aman digunoke. Sampai mak ini ari, kasus ini masih diselidiki oleh pihak yang berwenang dari berbagai pihak. Bahkan komisi perlindungan konsumen Amerika Serikat jugo lah sudah membuka investigasi terhadap Galaxy Note 7 yang meledak tersebut.
Tidak ada komentar:
Posting Komentar