■ 8 Pengisi Suaro karakter Kartun yang sangat Fenomenal di Indonesia

Ini dio, 8 Pengisi suaro karakter kartun yang sangat Fenomenal di Indonesia.

Masih inget kan jaman masih kecik dulu?, apolagi pas hari minggu, seraso idak nak pegi-pegi lagi dari depan tivi. Walaupun tivi nyo dulu masih tivi tabung. Pokoknyo kalu la ado film kartun, lupo segalo gawe, ngguling tuh lah seharian depan tivi.

Brilio.net - Kamu yang sering nonton kartun pasti tau nian suaro-suaro karekter kesayangannyo. Dibalik gambar yang ditonton itu ado wong yang ngisi suaronyo (dubber), pacak jadi edop nian rasonyo.

Kalo di kito nih, banyak film kartun luar negri yang suaronyo diisi oleh dubber. Ternyato lah tuo-tuo pengisi suaronyo, walaupun karekternyo budak kecik. Ini dio, menurut Brilio.net  dari berbagai sumber wong-wong yang ngisi suaro kartun kito di Indonesia ini.

1. Ahmad Zulkifli Lubis

Ini dio lur, pengisi suaro detektif Conan. Dak nyangko kan? Iphi Lubis panggilannyo. Pacak pulo mamang ini bikin suaro Conan.

2. Nurhasanah

Betino ruponyo, belasan tahun dio ngisi suaro Doraemon, wajar bae kalu tekenal tuh, sampai-sampai bibik ini kalu keluar rumah di panggil Doraemon samo tetanggonyo. Belajar darimano lah yo, heran aku pacak nian dio ngisi suaro Doraemon..salut nian aku.

3. Hana Bahagiana

Bibik ini lebih sangar lagi, tigo ikok langsung diborongnyo. (Kalu di pasar 16 palembang, tigo sepoloh galak tawarke wong hahaha). Tapi kalu bik Hana ini aku raso mahal bayarannyo, bener dak Bik? Senyum-senyum pulo Bik Hana..

Monkey d'luffi (one piece), Hyuga (Captain Tsubasa), dan yang paling buat dio di idolake budak kecik itu karno kontrobusinyo ngisi suaro Naruto

4. Darmawan Susanto

Mamang ini lah kalu kamu nak tau, yang ngisi suaro Patrick di kartun Spongebob Squarepants. Darmawan Susanto, makan apo kamu mang sampai pacak mak itu suaronyo,,hehehe

5. Ony Syahrial

Awalnyo, budak ini tekenal di sinetron jaman dulu "Tuyul dan Mbak Yul". Pokoknyo gemes nian kalo denger suaro Shin-chan. Inget kan kamu? pas Shin-Chan manggil 'mama-mama'. Suaro Ony Syahputra ini ternyato yang ngisi nyo.

6. Ade Kurniawan

Nak senamo pulo samo aku, tapi sayangnyo aku cuma biso niru suaro mobil lagi ngerem bae "sriittttggghhttt" uji nyo duarrrrr numbur tiang PLN..hehehe. beda samo mang Ade Kurniawan ini, dapat mukjizat dari mano dio, sampai pacak ngisi suaro Spongebob, salut aku mang. Hebat memang..

7. Wiwiek Supadmi

Oiihh, dulu tu aku kiro lanang suaro Goku nih. Ternyato betino, Wiwiek Supadmi, dak abis pikir aku wak, pacak nian kamu. Selain itu, dio jugo ngisi suaro Son Gohan dan Goten Kecil.

8. Jumali Jindra

Yang terakhir ini Pak Jumali Jindra, dak ciren Pak kalu jingok penampilan foto kamu tu, pakai dasi, rapi, bekacomato pulo. Ternyato bapak ini lah yang ngisi suaro Squidward (Spongebob) samo Shaggy (Scooby-Doo). Jempol lah buat kamu Pak...hehehe